پێشەوا هەورامانی: ئامادەکاری بۆ ناردنی لیستی مووچەی مانگی پێنج دەستپێدەکات

ئاڤا نیوز

وتەبێژی حکومەتی هەرێمی کوردستان دەڵێت، ڕێکارەکانی ئامادەکردنی لیستی مووچەی مانگی پێنج زۆر ناخایەنێت و لە چەند ڕۆژی داهاتوو دەستپێدەکات.

وێنە گەورەکە: دوای خەرجکردنی پارەی مووچەی مانگی چواری مووچەخۆرانی هەرێمی کوردستان لەلایەن وەزارەتی دارایی فیدراڵییەوە، وەزارەتی دارایی و ئابووریی هەرێمی کوردستان کار لەسەر ئەوە دەکات لە زووترین ماوەدا لیستی مووچەی مانگی پێنج ئامادە بکات و ڕادەستی بەغدای بکات.

لێدوانی فەرمی: پێشەوا هەورامانی، وتەبێژی حکومەتی هەرێمی کوردستان لە کۆنگرەیەکی ڕۆژنامەوانیدا گوتی، دوای کۆتایی هاتنی پرۆسەی دابەشکردنی مووچەی مانگی چوار، ئامادەکردنی لیستی مووچەی مانگی پێنج دەست پێدەکات، ڕێکارەکانی ئامادەکردن کاتی زۆری پێناچێت چەند ڕۆژێکی کەم دەخایەنێت.

- سەبارەت بە پشکی هەرێمی کوردستان لە بودجەی گشتیی عێراق، وتەبێژی حکومەت ئاماژەوەی بەوەکرد، گفتوگۆکانی داهاتوویان لەگەڵ حکومەتی فیدراڵی سەبارەت بە جێگیرکردنی بودجەی هەرێمی کوردستان لە بودجەی گشتیی 2026 دەبێت.