لە ماوەی مانگێکدا 23 هەزار کەس لە هەولێر زەوی وەردەگرن

ئاڤا نیوز

 

پاش حەوت مانگ لە ڕاگرتنی، پرۆسەی دابەشکردنی زەوی لە سنووری پارێزگای هەولێر دەستپێدەکاتەوە، ڕێکارەکانی ئامادەکردنی زەوی لە قۆناغی کۆتاییدان، لەماوەی مانگێکدا بەشێکی دیکەی فەرمانبەرانی ئەو سنوورە زەوی وەردەگرن.

 

وێنە گەورەکە: زیاتر لە 350 فۆڕمی سوودمەندبوون لە زەوی لە ئەنجوومەنی وەزیران پەسەند کراون، بەشێکی زۆریان گەڕێنراونەتەوە شارەوانییەکان، بەشێکی زۆری شارەوانییەکان چاوەڕێی گەڕانەوەی سەرجەم ناوەکانی سنوورەکەیان دەکەن بۆ ئەوەی بەپێی خاڵ زەوییە باشەکانیان بەسەردا دابەش بکەن.

 

لێدوانی فەرمی: کارزان هادی، بەڕێوەبەری شارەوانی هەولێر بە ئاڤای گوت، "کارەکانمان لە قۆناغی کۆتاییدان و لەماوەی مانگێکدا تیروپشک بۆ دابەشکردنی 23 هەزار پارچە زەوی دیکە دەکەین.

 

ئەمەش بزانە: مانگی 11ـی ساڵی ڕابردوو سێ هەزار پارچە زەوی بەسەر فەرمانبەران لە سنووری هەولێر دابەشکرا، لەگەڵ ئەم قۆناغە، ژمارەی سوودمەندبووان دەبێتە 26 هەزار کەس.