یەکێتیی ئەوروپا پاکێجێکی نوێی سزا بەسەر ڕووسیادا دەسەپێنێت

ئاڤا نیوز

یەکێتی ئەوروپا بۆ بەرەنگاربوونەوەی کەشتییە نەوتهەڵگرەکانی ڕووسیا پاکێجێکی نوێی گەمارۆکانی سەر ئەو وڵاتە پەسەند کرد.

وێنە گەورەکە: بۆ زیاتر فشار خستنە سەر ڕووسیا، دیپلۆماتکارانی نوێنەرایەتیی 27 وڵاتی ئەندامی یەکێتیی ئەوروپا لە کۆبوونەوەیەکدا لە برۆکسل پاکێجێکیان پەسەند کرد کە سزای نوێ بەسەر ڕووسیاد دەسەپێنرێت و ئەوروپاش هەڕەشەی سزای زیاتر دەکات ئەگەر مۆسکۆ ڕازی نەبێت بە ئاگربەستی ئۆکراینا.

ئەوەی پێویستە بیزانیت: پاکێجەکە بڕیارە ڕۆژی سێشەممە بە فەرمی پەسەند بکرێت و بریتییە لە خستنە لیستی ڕەشی نزیکەی 200 کەشتی نەوتهەڵگر کە بۆ دەربازبوون لە سنووردارکردنی هەناردەکردنی نەوتی ڕووسیا بەکاردەهێنرێن، هەروەها بڕیارە ئەو کۆمپانیایانە لە وڵاتانی وەک ڤێتنام، سربیا و تورکیا کە تۆمەتبارن بە یارمەتیدانی دابینکردنی کاڵا بۆ سوپای ڕووسیا، ڕووبەڕووی سنووردارکردن ببنەوە.

زانیاریی زیاتر: بڕیارە دەیان بەرپرسی دیکەی ڕووسیا زیاد بکرێن بۆ نزیکەی ئەو دوو هەزار و 400 کەس و لایەنانەی کە لە ئێستاوە ڕووبەڕووی قەدەغەکردنی ڤیزە و بەستنی سەروەت و سامان بوونەتەوە، هەروەها ئەم پاکێجە سزا بەسەر تاکەکانی ڕووسیادا دەسەپێنێت بەهۆی هێرشە ئەلیکترۆنییەکان و پێشێلکردنی مافەکانی مرۆڤ و تێکدان لە ئەوروپا.

لە لایەکی دیکەوە: سەرکردەکانی یەکێتیی ئەوروپا هەڕەشەیان لە ڕووسیا کردووە کە "گەمارۆیەکی گەورە"یان بەسەردا دەسەپێنرێت ئەگەر ڕازی نەبێت بە پێشنیازی ئاگربەستی 30 ڕۆژەی جەنگی لەنێوان ڕووسیا و ئۆکراینا کە ئەمریکا پشتیوانی لێدەکات.