دوو تووشبووی تای خوێنبەروون لە مووسڵ نەخۆشخانە جێدەهێڵن

ئاڤا نیوز

لە پارێزگای مووسڵ سێ حاڵەتی تای خوێبەربوون تۆمارکراوە، لەو ژمارەیەش دوو کەسیان دوای وەگرتنی چارەسەر گەڕێنراونەتەوە ماڵەوە.

وێنە گەورەکە: مەترسیی نەخۆشی تای خوێنبەربوون لەسەر عێراق بەردەوامە و تائێستا زیاتر لە 30 حاڵەتی تووشبوون لە سەرانسەری عێراق تۆماركراوە و زیاتر لە پێنج كەسیش بەهۆیەوە گیانیان لەدەستداوە، ڕێکارەکانی خۆپارێزی بەردەوامە، لە شاری مووسڵ دوو تووشبوو نەخۆشخانەیان جێهێشتووە گەڕێنراونەتە ماڵەوە.

لێدوانی فەرمی: دڵشاد شنگالی، بەڕێوەبەری گشتیی تەندروستی مووسڵ، بە ئاڤا میدیای ڕاگەیاند، پارێزگای مووسڵ کەمترین ڕێژەی تای خوێبەربوونی تێدا تۆمارکراوە بەراورد بە پارێزگاکانی دیکەی عێراق، لەئێستادا ڕەوشەکە زۆرباشە تیمەکان بەردەوامن لە ڕشاندنی ئەو شوێنانەی ئاژەڵی تێدا بەخێودەکرێت و چاودێری تووند لەسەر گۆشتفرۆشەکان دانراوە، بەردەوام ڕێنماییان پێدەدرێت.

لەلایەکی دیکەوە: ئەمڕۆ چوارشەممە، تەندروستیی زیقار، ڕایگەیاندووە، ئافرەتێکی تەمەن شەست ساڵان، دانیشتووی قەزای ئەلڕەفاعی، بەهۆی تای خوێنبەربوون گیانی لەدەستداوە.