وەزارەتی دارایی: بڕیارە لە مانگی داهاتوو 12 مووچەکەی خانەنشینان خەرج بکرێت

ئاڤا نیوز

بەڕێوەبەرایەتیی گشتیی خانەنشینی هەرێمی كوردستان بەردەوامن لە ڕاپەڕاندنی مامەڵەكانی خانەنشینان ڕۆژانە دەیان مامەڵە تەواو دەكرێت. بڕیارە لە مانگی داهاتووشەوە بەغدا دەست بە پێدانی 12 مووچەکەی ئیکرامیەی خانەنشینان بکات.

وێنە گەورەکە: دوای بڕیاری خانەنشینی فەرمانبەرانی هەرێمی کوردستان لە سەرەتای ئەمساڵەوە، تائێستا 12 مووچەکەی ئیکرامییەیان پێنەدراوە، بڕیارە لە مانگی داهاتوو بۆیان خەرج بکرێت.

لێدوانی فەرمی: سەرچاوەیەك لە وەزارەتی دارایی هەرێمی كوردستان بە ئاڤا میدیای ڕاگەیاند: وا بڕیارە لە مانگی داهاتووەوە وەزارەتی دارایی عێراق دەست بە پێدانی 12 مووچەكەی خانەنشینان بكات و بۆ ئەو مەبەستە دەستی بە رێككارەكان كردووە.