مامەڵەی خانەنشینان خێراتر دەکرێت

ئاڤا نیوز

وەزارەتی دارایی کوردستان داوا لە بەڕێوەبەرایەتییەکانی خانەنشینی دەکات کارکردن لە مامەڵەی خانەنشینان خێراتر بکەن و فەرمانبەری زیاتر دابین بکرێت و دەوامیشیان زیاد بکرێت.

چیرۆکی سەرەکی: بەمەبەستی ڕاییکردنی مامەڵەی خانەنشینان، وەزیری دارایی لەگەڵ بەڕێوەبەرایەتییەكانی خانەنشین كۆبووتەوە و داوای لێ كردوون كە كاركردنیان بۆ ڕاییكردنی مامەڵەی خانەنشینان چڕتر بكەنەوە بە زووترین كات دۆسیەكان تەواو بكەن، داواشی كردووە سیستەم كارا بكرێت و فەرمانبەری زیاتر دابین بكرێت و دەوامی بەڕێوەبەرایەتییەكانیش زیاد بكرێت.

زانیاریی  بەدەستهاتوو: بەپێی داتاكان، لە سەرەتای مانگی شوباتی ئەمساڵەوە زیاتر لە 10 هەزار و 200 مامەڵەی خانەنشینان تەواوکراون، تەنیا بۆ مانگی ئایار زیاتر لە دوو هەزار خانەنشینی دیكە ناوەكانیان داخڵی مووچە دەكرێت و مووچە وەردەگرن، وەزارەتی دارایی داواشی لە وەزارەت و فەرمانگەكان كردووە بە زوویی دۆسیەی ئەو فەرمانبەرانە بنێرن كە بڕیاری خانەنشینبوونیان بۆ دەرچووە.