خوێندنی باڵای عێراق دەرگای پێشکەشکردن بۆ خوێندنی باڵا دەکاتەوە

ئاڤا نیوز

وەزارەتی خوێندنی باڵا و توێژینەوەی زانستی، وادەی دەستپێکردنی ڕێکارەکانی پێشکەشکردنی ئەلیکترۆنی بۆ خوێندنی باڵا لە پسپۆڕییە زانستی و مرۆییە جیاوازەکان ڕاگەیاند و داوا لە قوتابییان دەکات داواکاری پێشکەش بکەن.

ڕاگەیێنراوی فەرمی: بەگوێرەی ڕاگەیێنراوی وەزارەتی خوێندنی باڵای عێراق، ڕێکارەکانی پێشکەشکردنی ئەلیکترۆنی بۆ خوێندنی باڵا لە ڕێگەی لینکی https://adm.rdd.edu.iq لە ئەمڕۆ پێنجشەممەوە ڕێککەوتی 2025-05-15 دەستپێدەکات و تاوەکو 2025-06-10 بەردەوام دەبێت، بەپێی کاتەکانی پێشکەشکردن و وەرگرتن بۆ ساڵی خوێندنی  2026/2025.

زانیاریی زیاتر: بەرنامەکانی خوێندنی باڵای کراوە (2422) بەرنامەی خوێندن لە دکتۆرا و ماستەر و دبلۆمی باڵادا لە پسپۆڕییە زانستی و مرۆییە جیاوازەکان دەگرێتەوە.

لەلایەکی دیکەوە: خوێندنی باڵا داوای لە قوتابییانی شایستە دەکات داواکاری پێشکەش بکەن بۆ ئەوەی خۆیان لەڕووی زانستییەوە ئامادەبکەن بۆ بەدەستهێنانی ئەو ئەنجامە ئەرێنییانەی کە خوازیاری دەستکەوتنیانن لە تاقیکردنەوەی پێشبڕکێدا کە ڕۆژی دووشەممە بەرواری 2025-06-30 ئەنجام دەدرێت".