لە مانگی نیساندا گەشتی نێوان فڕۆكەخانەی هەولێر و دیاربەكر دەستپێدەكاتەوە

ئاڤا نیوز

سەرۆكی ژووری بازرگانیی دیاربەكر  ڕایگەیاند، لە مانگی نیسان دا گەشتە ئاسمانییەكانی نێوان هەولێر- دیاربەكر بە ڕوووی گەشتیاراندا دەكرێتەوە.

وێنە گەورەكە: ژووری بازرگانیی دیاربەكر داوایان لە حكومەتی توركیا كردووە، لە یەكەم رۆژی جەژنی نەورۆزدا هێڵەكە بكرێتەوە. 

لێدوانی فەرمی: محمەد كایە، سەرۆكی ژووری بازرگانیی دیاربەكر  بۆ ئاڤا نیوز گوتی: لە مانگی نیساندا گەشتەكانی نێوان هەولێر- دیاربەكر دەستپێدەكاتەوە، هۆكاری دواكەوتنی بۆ دوای نەورۆز دەگەڕێتەوە بۆ سیستەمی گەشتی هاوینەی هێڵە فڕۆكەوانییەكانی توركیا.

پێدراوە ڕاستەكان: لە هەفتەیەكدا  "سێ ڕۆژ بۆ گەشتەكانی فڕۆكەخانەی نێودەوڵەتی  هەولێر و فڕۆكەخانەی دیاربەكر" و بە پێچەوانەشەوە رێكخراوە.

ئەوەی پێویستە بیزانیت: سیستەمی گەشتەكانی وەرزی زستانە و هاوینەی هێڵەكانی فڕۆكەوانی لە توركیا پەیڕەو دەكرێت. بە گوێرەی ئەو سیستەمە ژمارەی گەشتەكانی وەرزی زستان بۆ ماوەی شەش مانگ ڕێكدەخرێن. لە بەر ئەوە تا مانگی نیسان ناتوانرێت سیستەمی هاوینە بەكاربخەن، بۆیە ناتوانن بەر لەو وادەیە گەشتەكان دەست پێبكەنەوە.

باكگراوند: لە ساڵی 2020 بەهۆی بڵاوبوونەوەی ڤایرۆسی كۆڤید-19، گەشتە ئاسمانییەكانی نێوان فڕۆكەخانەی نێودەوڵەتی هەولێر و فڕۆكەخانەی دیاربەكر ڕاگیران.