هاوکاریی دارایی مامۆستایانی ئایینی خۆبەخش دابەش دەکرێت

ئاڤا نیوز

مامەڵەی بەشێکی ئەو مامۆستا ئایینیانەی بە خۆبەخشی وتار دەدەن ئامادەکراوە، بۆ ئەوەی مینحەی مانگی چوار وەرگرن و هەزار و 500 مامۆستا لەماوەی چوار ڕۆژدا پارەکە وەردەگرن.

وێنە گەورەکە: ئەو مامۆستا ئاینیانەی ناویان لە بەڕێوەبەرایەتی ئەوقافی شارو شارۆچكەكان تۆماركرابێت و لەلایەن ئەوقافەوە ڕێگەپێدانیان بۆ كرابێت و لە وتاردان یاخود پێشنوێژی مزگەوتەكان، هاوكات هیچ مووچەی دیكەیان نەبێت، مانگانە بڕی 250 هەزار دینار وەک هاوکاری وەردەگرن.

لێدوانی فەرمی: نەبەز ئیسماعیل، گوتەبێژی وەزارەتی ئەوقاف بە ئاڤای گوت، "مینحەکە لەماوەی ئەم دوو ڕۆژە لە هەولێر و بەشێکی ناوچەکانی دیکە دابەش دەکرێت، لەماوەی دوو ڕۆژی داهاتووش ئەوانەی ماون پارەکەیان وەردەگرن."

ئەمەش بزانە: ئەو مینحەیە لەلایەن وەزارەتی ئەوقافەوە دابین دەکرێت، مانگانە دەبێت خۆیان لە ئەوقافی شار و شارۆچکەکەیان ئامادەبن بۆ وەرگرتنی مینحەکە.