ترەمپ سیستمی "گومبەزی زێڕین" ڕادەگەیێنێت

ئاڤا نیوز

دۆناڵد ترەمپ، سەرۆکی ئەمریکا، پلانی 'گومبەزی زێڕین'ی بۆ بەرگری و پاراستنی ئەمریکا ڕاگەیاند و چاوەڕێ دەکرێت لە کۆتایی خولی سەرۆکایەتییەکەی ترەمپدا بکەوێتە کار.

وێنە گەورەکە: گومبەزی زێڕین قەڵغانێکی مووشەکییە کە بە هۆیەوە ئەمریکا لە هەر جۆرە هێرشێکی مووشەکی، بالیستی، سەروودەنگی و ئەتۆمی دەپارێزێت، ترەمپ سەبارەت بە قەڵغانە زێڕینەکە ڕایگەیاند کە وەبەرهێنانێکی مێژووییە لە ئاسایشی ئەمریکا و ئەمریکییەکان.

لێدوانی فەرمی: ترەمپ ڕایگەیاند، سیستمەکە 25 ملیار دۆلاری تێدەچێت و ئەمریکا لە وشکانی، دەریا، ئاسمان و بۆشایی ئاسمانەوە دەپارێزێت.

 - "لە کەمپەینی بانگەشەی هەڵبژاردنەکاندا ئەو بەڵێنەی بە خەڵكی ئەمریکام دابوو کە قەڵغانێکی بەرگریی مووشەکیی دروست بکەین و خۆشحاڵم بەوەی ئەو سیستەمە ڕادەگەیێنم".

ئەوەی پێویستە بیزانیت: چاوەڕێ دەکرێت لە کۆتایی خولی سەرۆکایەتییەکەی ترەمپدا ئەو سیستەمە بکەوێتە کار. 

زانیاریی زیاتر: ترەمپ مایکل گوتلینی، جێگری فەرماندەی هێزی بۆشایی ئەمریکای بۆ سەرپەرشتیکردنی پلانەکەی دیاریکردووە و بە پێی  وتەکانی ترەمپ، کەنەداش ئارەزووی خۆی بۆ بەشداریکردن لە پڕۆژەکە دەربڕیوە.