غەززە.. لەلایەک ئاگربەست و لەلایەکی دیکە هێرشی خوێناوی

ئاڤا نیوز 

شەوی ڕابردوو ئیسرائیل هێرشی کردە سەر ‌کەرتی غەززە، ئەم هێرشە هاوکاتە لەگەڵ ئامادەکارییەکان بۆ ناردنی شاندێک بۆ بەشداربوون لە گفتوگۆکانی ئاگربەست لە قەتەر.

ڕاگەیێنراوی فەرمی: نووسینگەی بنیامین نەتانیاهۆ، سەرۆکوەزیرانی ئیسرائیل ڕایگەیاند، هەردوو کابینەی ئاسایش و کابینەی جەنگی ئیسرائیل "بۆ بڕیاردان لەبارەی ڕاسپاردنی شاندێکی بەرپرسی دانوستانەکان، بەر لە دەرچوونیان بۆ دەوحە کۆدەبنەوە". 

لەلایەکی دیکەوە: وەزارەتی تەندروستیی غەززە ڕایگەیاند، لە هێرشی شەوی ڕابردووی ئیسرائیلدا 61 کەس کوژراون و 12 یان ئەندامی یەک خێزانن. 
 

ئەوەی پێویستە بیزانیت: لە ماوەی ڕۆژانی ڕابردوودا ‌حەماس سەبارەت بە پرسی ئاگربەست و ئازادکردنی بارمتەکان نەرمی نواندووە، بۆیە گەڕێکی نوێ لە دانوستانەکان لە قەتەر بەڕێوەدەچێت.