سەرۆکوەزیران بارزانی و سێناتۆرێکی ئەمریکی دوایین پەرەسەندکانی عێراق و ناوچەکە تاوتوێ دەکەن

ئاڤا نیوز

سەرۆکوەزیران مەسرور بارزانی، درەنگانی شەوی ڕابردوو بە کاتی هەولێر، لەگەڵ سێناتۆر تۆم کەتن لە واشنتن کۆبووەوە.

وێنە گەورەکە: ڕۆژی شەممە 17-5-2025، سەرۆکوەزیران مەسرور بارزانی بە سەردانێکی فەرمی و لەسەر بانگهێشتی حکومەتی ئەمریکا گەیشتە واشنتن، سەرۆکوەزیران سەپەرشتیی واژۆکردنی دوو گڕێبەستی کردووە بە بەهای 110 ملیار دۆلار، لەو ڕۆژەوە سەرۆکوەزیران 13 کۆبوونەوەی لەگەڵ کۆنگرێسمان و سیناتۆرەکانی ئەمریکا کردووە.

ڕاگەیێنراوی فەرمی: ماڵپەڕی حکومەتی هەرێمی کوردستان بڵاویکردەوە، لە دیدارەکەدا هەردوولا جەختیان لە پەرەپێدانی پەیوەندی و هاوبەشیی ستراتیژیی نێوان هەرێمی کوردستان و ویلایەتە یەکگرتووەکانی ئەمەریکا کردەوە.

سێناتۆر کۆتن پشتیوانیی خۆی بۆ برەودان بە وەبەرهێنانی کۆمپانیا ئەمەریکییەکان لە هەرێمی کوردستان دووپات کردەوە. لە بەشێکی دیکەی کۆبوونەوەکەدا، دوایین پەرەسەندن و پێشهاتەکانی عێراق و ناوچەکە تاوتوێ کران.

ئەمەش بزانە: لە تەواوی کۆبوونەوەکانی سەرۆکوەزیران مەسرور بارزانیدا، برەودان بە وەبەرهێنانی کۆمپانیا ئەمریکییەکان لە هەرێمی کوردستان گفتوگۆ کراون.