نەتانیاهۆ فەرمانی بەرزکردنەوەی ئاسایشی نوێنەرایەتییەکانی ئیسرائیل لە سەرانسەری جیهاندا دەردەکات

ئاڤا نیوز 

دوای هێرشە چەکدارییەکەی شەوی ڕابردووی سەر مۆزەخانەی جوولەکەکان لە واشنتن کە بووە هۆی کوژرانی دوو کارمەندی مۆزەخانەکە، سەرۆکوەزیرانی ئیسرائیل فەرمانی بەرزکردنەوەی ڕێوشوێنە ئەمنییەکانی لە نوێنەرایەتییە دیپلۆماسییەکانی ئیسرائیل لە سەرانسەری جیهاندا دەرکر.

چیرۆکی سەرەکی: بنیامین نەتانیاهۆ، سەرۆکوەزیرانی ئیسرائیل، فەرمانی بەرزکردنەوەی ڕێوشوێنە ئەمنییەکانی لە نوێنەرایەتییە دیپلۆماسییەکانی ئیسرائیل لە سەرانسەری جیهاندا دەرکردووە، دوای ئەوەی چەکدارێک کە هاواری "فەلەستینی ئازاد"ـی دەکرد، تەقەی لە دوو کارمەندی باڵیۆزخانەی لە دەرەوەی مۆزەخانەی جوولەکەکان لە واشنتن کرد و هەردووکیانی کوشت.

پەیامی فەرمی: سەرۆکوەزیرانی ئیسرائیل ڕایگەیاند "ڕێنماییم دەرکردووە کە ڕێکخستنە ئەمنییەکان لە نوێنەرایەتییەکانی ئیسرائیل لە سەرانسەری جیهان بەرز بکەنەوە و پارێزگاری لە نوێنەرانی دەوڵەت زیاد بکەن".

چی ڕوویدا: بە وتەی یەکیل لایتەر، باڵیۆزی ئیسرائیل لە ئەمریکا دەڵێت،  لە کاتێکدا لە کۆبوونەوەیەکی بۆنەیەکی کۆمەڵایەتی بۆ گەنجانی پیشەگەر و ستافی دیپلۆماسی سازکرابوو، لە ناوەڕاستی واشنتن لە دەرەوەی مۆزەخانەی جوولەکەکان تەقە ڕوویدا  و دوو کەس کوژران، قوربانییەکان ژن و مێردێکی گەنج بوون کە پلانیان دانابوو هاوسەرگیری بکەن.