زێلێنسکی داوا دەکات سزا بەسەر ڕووسیا بسەپێنرێت

ئاڤا نیوز

ڤۆڵۆدیمیر زێلێنسکی، سەرۆکی ئۆکراینا داوا دەکات سزای زیاتری ئابووری بەسەر ڕووسیادا بسەپێنرێت کە ناچاری بکات بەوەی بە ئاگربەست ڕازی بێت.

وێنە گەورەکە: سەرەڕای هەوڵەکان بۆ ڕاگرتنی شەڕ و ڕاگەیاندنی ئاگربەست، بەلام ڕووسیا بەردەوامە لە هێرشەکانی بۆ سەر ئۆکراینا، دوایین هێرشی دوێنێ شەو بوو بە مووشەک هێرشی کردە سەر ئۆكراینا و بەهۆیەوە 15 کەس برینداربوون.

لێدوانی فەرمی: ڤۆڵۆدیمیر زێلێنسکی، سەرۆکی ئۆکراینا لە تۆری کۆمەڵایەتی ئێکس ڕایگەیاند: سزای زیاتر بۆ سەر ڕووسیا کە کەرتە سەرەکییەکانی ئابووری بکاتە ئامانج، مۆسکۆ ناچار دەکات بە ڕازیبوون بە ئاگربەست لەگەڵ ئۆكراینا. مۆسکۆ هۆکارە بۆ درێژەدان بە شەڕ.