سەرۆکوەزیران بارزانی: پرۆژەی هەژماری من بەردەوام دەبێت

ئاڤا نیوز

 

سەرۆکوەزیران بارزانی لە میانی کۆبوونەوەی لەگەڵ شاندێکی ئەنجوومەنی بەڕێوەبردنی بانکی بەغدا، ئوردنی و کوەیتی جەختی کردەوە کە پرۆژەی هەژماری من بەردەوام دەبێت، لە بەرامبەردا شاندەکە سەرسامیی خۆیان بە پرۆژەی هەژماری من و دیدگای سەرۆکوەزیران دەربڕی. 

 

ئەوەی پێویستە بیزانیت: سەرۆکوەزیران بارزانی پێشوازی لە شاندێکی ئەنجوومەنی بەڕێوەبردنی بانکی بەغدا و بانکی ئوردنی کوەیتی کرد بە سەرۆکایەتیی ماجید ئەلساعدی، سەرۆکی ئەنجوومەنی بەڕێوەبردنی بانکی بەغدا، عەبدولکەریم ئەلکەباریتی، سەرۆکوەزیرانی پێشووتری ئوردن و ئەندامی ئەنجوومەنی بەڕێوەبردنی بانکی بەغداد بەشداربوو.. 

 

لێدوانی فەرمی: سەرۆکوەزیران بارزانی ڕایگەیاند: پرۆژەی هەژماری من بەردەوام دەبێت و لە پەیوەندیدایە لەگەڵ سەرۆکوەزیرانی فیدراڵ و پارێزگاری بانکی ناوەندی سەبارەت بە چەند دەستپێشخەرییەکی پەیوەندیدار بە پێشخستنی سیستەمی بانکی بە هەماهەنگی و بەپێی مەرج و ڕێنماییەکانی بانکی ناوەندیی عێراق.

 

بۆچوونی لایەنی بەرامبەر: شاندەکە سەرسامی خۆیان بەرامبەر ئاستی پێشڤەچوونی پڕۆژەی (هەژماری من) و دیدگای سەرۆکوەزیران لەبارەی هەمەجۆرکردنی ئابووری و پێشخستنی سیستەمی بانکی نیشاندا؛ هەردوولا هاوڕابوون لەسەر گرنگیی پشتیوانیکردنی هەوڵەکانی حکومەتی هەرێمی کوردستان لە بواری چاکسازی بانکیدا.