زیاتر لە حەوت ملیۆن منداڵ لە سووریا پێویستیان بە هاوكاری هەیە

ئاڤا نیوز

 

شەڕ لە سووریا 13 ساڵی تێپەڕاند و ئێستاش دۆخی منداڵانی وڵاتەکە لە ئاستێكی زۆر خراپدایە، بەجۆرێک حەوت ملیۆن و 500 هەزار منداڵ پێویستیان بە هاوكاریی هەیە.

 

وێنە گەورەكە: لە تەواوی سووریا شەڕ و پێكدادانەكان 13 ساڵیان تێپەڕاند، ئێستاش دۆخی مرۆیی زۆر خراپە، بەشێكی زۆر لە شارەكان هێشتا وێرانن، ئاڵۆزی بەردەوامە و دۆخی منداڵانیش تادێت خراپتر دەبێت.

 

ژمارەكان وادەڵێن: بەپێی ئامارەكانی ڕوانگەی سووری بۆ مافەكانی مرۆڤ:
-    حەوت ملیۆن و 500 هەزار منداڵ لە سووریا پێویستیان بە هاوكارییە.
-    لە سووریا 650 منداڵ بەهۆی نەبوونی ئاسایشی خۆراكەوە دەناڵێنن.
-    لە 50%ـی منداڵانی سووریا ناتوانن بچنە قوتابخانە.

 

باگگراوند: بەهۆی شەڕەوە نیو ملیۆن هاووڵاتی لە سووریا كوژراون، لە 13 ساڵی ڕابردووشدا زیاتر لە 16 ملیۆن هاووڵاتی لە سووریا پێویستیان بە هاوكاری مرۆیی هەبووە.