مەرجی نوێ بۆ خوێندن لە زانكۆكانی عێراق ڕادەگەیێنرێت

ئاڤا نیوز

وەزارەتی خوێندنی باڵا و توێژینەوەی زانستی، سەرجەم ئەو فەرمانبەر و مامۆستایانە ئاگادار دەكاتەوە كە نیازی خوێندنی ماستەر، دكتۆرا و بۆردی پزیشكییان لە زانكۆكانی عێراق هەیە، مەرجە لە زانكۆی حكومی و لەهەمان پسپۆڕی خۆیان بخوێنن.

وێنە گەورەكە: وەزارەتی خوێندنی باڵا و توێژینەوەی زانستیی حكومەتی هەرێمی كوردستان، نووسراوێك ئاراستەی سەرۆكایەتیی سەرجەم زانكۆ حكومییەكان و ئەنجوومەنی باڵای كوردستان بۆ پسپۆڕییە پزیشكییەكان و دەستەی كوردستانی بۆ دیراساتی ستراتیژی و توێژینەوەی زانستی دەكات، سەبارەت بە پێدانی لارینەبوون بە فەرمانبەران و مامۆستایانی دامەزراو لەسەر میلاكی حكومەتی هەرێمی كوردستان، بەمەبەستی خوێندن لە زانكۆكانی ناوەڕاست و باشووری عێراق كە ڕەچاوی ئەو مەرجانە بكەن لەلایەن وەزارەتی خوێندنی باڵا دانراوە.

نووسراوی فەرمی: بەگوێرەی نووسراوی فەرمانگەی توێژینەوە و پەرەپێدانی وەزارەتی خوێندنی باڵا و توێژینەوەی زانستی، ژمارە 10182 لە 25-5-2025، بۆ ئەوەی لارینەبوون بەو فەرمانبەر و مامۆستایانە بدات كە خواستی خوێندنی ماستەر، دكتۆرا و بۆردی پزیشكییان لە زانكۆكانی ناوەڕاست و باشووری عێراق هەیە، مەرجە لە زانكۆ یاخود دامەزراوەیەكی باوەڕپێكراوی حكومی، لە هەمان پسپۆڕی دواهەمین بڕوانامەیان بخوێنن.

- خوازیار، سەرجەم ئەو مەرجانەی تێدابێت كە لە پەیڕەوی ژمارە 11ی ساڵی 2011 تایبەت بە پێدانی مۆڵەتی خوێندن و ڕێنمایی ژمارە 5ـی ساڵی 2021ـدا هاتوون.

ئەوەی پێویستە بیزانیت: پێشكەشكردنی خوێندنی ماستەر، دكتۆرا و بۆردی پزیشكی لە زانكۆكانی عێراق لە 15-5-2025 دەستیپێكردووە و بەپێی خشتەی هاوپێچ تا 10-6-2025 بەردەوام دەبێت، بەڵام ئەگەری درێژكردنەوەی هەیە، بەو پێیەی پێشكەشكردن لە وادەی خۆی درەنگتر دەستی پێكرد، وەرزی خوێندنیش لە ڕێككەوتی 1-9-2025 دەستپێدەكات.

پێشكەشكردن بەشێوەی ئۆنلاین لە زانکۆکانی عێراق لە رێگەی ئەم لینکەیە

لە رێگەی ئەم لینکەوە دەتوانن بە شێوازی pdf مەرج و ڕێنمایەکانی پێشکەشکردنی وەزارەتی خوێندنی باڵای عێراق بخوێنەوە