حەماس بۆ ئاگربەست نەرمی لە داواكارییەكانی دەنوێنێت

ئاڤا نیوز

ئەگەر دانوستان بۆ ئاگربەست شكستبهێنێت، ئیسرائیل هەڕەشەی كۆنترۆڵكردنی تەواوەتی ناوچەی ڕەفەح دەكات، حەماسیش نەرمی دەنوێنێت لە داواكارییەكانی.

وێنە گەورەكە: ڕەنگە ئەمڕۆ دووشەممە گەڕێكی دیكەی دانوستان لە نێوان حەماس و ئیسرائیلدا بكرێت، ئیسرائیل نیگەرانە لە شكستی یەكجارەكی دانوستانەكان و هەڕەشە دەکات ئەگەر بەمشێوەیە بێت ڕەفەح كۆنترۆڵ دەكات.

زانیارییە بەدەستهاتووەکان: سەرچاوە ئیسرائیلییەكان باس لەوە دەكەن، سەرۆكی مۆساد بۆ گفتوگۆكردن لەبارەی ئاڵوگۆڕكردنی دیلەكان لەگەڵ هەریەكە لە سەرۆكوەزیرانی قەتەر و گەورەبەرپرسانی میسر لە دەوحە كۆدەبێتەوە.

لێدوان: سەرچاوەیەك لە بزووتنەوەی حەماس بە میدیاكانی ڕاگەیاندووە، ئەگەری هەیە حەماس نەرمی بنوێنێت لە داواكارییەكانی بۆ ئەوەی ئیسرائیل هێرش نەكاتە سەر ڕەفەح، هەرچەندە ئامادەنین پشت لە داواكارییە سەرەكییەكانی خۆیان بكەن.

باگگراوند: تا ئێستا چەندن گەڕی گفتوگۆ و دانوستان لە نێوان ئیسرائیل و بزووتنەوەی حەماسدا كراوە بۆ گەیشتن بەڕێككەوتن، بەڵام نە ئیسرائیل بە مەرجەكانی حەماس ڕازییە نە حەماس بە مەرجەكانی ئیسرائیل.