ئەڵمانیا لە فرۆشتنی چەک بە ئیسرائیل بەردەوام دەبێت

ئاڤا نیوز

 

یۆهان وادیفول، وەزیری دەرەوەی ئەڵمانیا پشتڕاستی کردەوە کە وڵاتەکەی بەردەوام دەبێت لە فرۆشتنی چەک بە ئیسرائیل، ئەمە سەرەڕای چڕبوونەوەی هێرشە سەربازییەکانی بۆ سەر غەززە، ئەمەش لە کاتێکدایە کە ئیسپانیا داوا دەکات فشار لە ئیسرائیل بکرێت بۆ وەستاندنی شەڕ. 

 

چیرۆکی سەرەکی: وادیفۆل داوی کۆبوونەوەی لە مەدرید لەگەڵ هاوتا ئیسپانییەکەی خوسی مانوێلە، ڕایگەیاندووە، "پێویستە سەقامگیری ئیسرائیل پارێزراوبێت، بۆیە ئەڵمانیا پەیوەست دەبێت بە ناردنی هاوکارییەکانی بۆ ئیسرائیل بۆ گەرەنتیکردنی ئەمنییەتی وڵاتەکەی".

 

لێدوانی فەرمی:  وەزیری دەرەوەی ئەڵمانیا دەڵێت: ئێـمە بە ڕوونی پشتیوانی لە ئیسرائیل دەکەین، بەڵام نابێت چاوپۆشی لە بارودۆخی نالەباری خەڵکی کەرتی غەززە بکەین، ئێمە دژایەتی هەر جۆرە هەوڵێک دەکەین بۆ ڕاگواستنی  فەڵەستینییەکان لە کەرتی غەززە.

 

- نابێت سیاسەتی برسیکردنی خەڵکی لە کەرتی غەززە پەیڕەو بکرێت، دەبێت دابینکردنی هاوکاری و پێداویستییە مرۆییەکان بۆ ئەو کەرتە بەردەوام بێت. 

 

ئەوەی پێویستە بیزانیت: ئەم وتانەی وادیفول لە کاتێکدایە، ئیسپانیا ڕۆژی یەکشەممە داوای لە هاوبەشەکانی لە یەکێتی ئەوروپا کرد بۆ سەپاندنی گەمارۆی چەک بەسەر ئیسرائیلدا.