چین لەبارەی قومارکردن لە وڵاتانی ئاسیا هاووڵاتیانی ئاگادار دەکاتەوە

ئاڤا نیوز

باڵیۆزخانەی چین لە سەنگاپوور داوا لە هاووڵاتیانی دەکات خۆیان لە هەموو جۆرەکانی قومارکردن بەدووربگرن، چونکە پێشێلکردنی یاساکانی وڵاتەکەیانە. 

ڕاگەیێنراوی فەرمی: باڵیۆزخانەی چین لە سەنگاپوور لە ڕاگەیێنراوێکدا "بەڕێزەوە بە بیری هاووڵاتیانی دەخاتەوە" خۆیان لە قومارکردن بەدووربگرن و ئاماژە بەوە دەکات "تەنانەت ئەگەر گازینۆکان بەشێوەیەکی یاسایی کرابنەوە، گومان لەوە هەیە قومارکردنی هاووڵاتیانی چینی لە دەرەوەی سنوورەکان پێشێلکردنی یاساکانی وڵاتەکەمان بێت."

هۆکارە زانراوەکان: ‌حکومەتی چین پێیوایە قومارکردن مەترسییەکانی وەک "ساختەکاری، سپیکردنەوی پارە، ڕفاندن، دەستبەسەرکردن و قاچاخی" بەدوای خۆیدا دێنێت. 

ئەوەی پێویستە بیزانیت: لە ساڵی 2005 ەوە وڵاتی سەنگاپوور قومارکردنی لە گازینۆکان بەیاسایی کردووە.

باکگراوند: حکومەتی چین هەوڵێکی فراوانی دەستپێکردووە بۆ دوورخستنەوەی هاووڵاتیانی لە قومارکردن لە وڵاتانی باشووری ڕۆژهەڵاتی ئاسیا، کە بەشێکی بەرچاو لە گەشتیارانی ئەو وڵاتە ڕوویان تێدەکەن.