ترەمپ ڕێگری لە ئیسرائیل دەکات بۆ هێرشکردنە سەر ئێران

ئاڤا نیوز

ئەمریکا ڕێگریکردووە لەوەی ئیسرائیل هێرش بکاتە سەر ئێران و ترەمپیش دەڵێت، گەشبینە بە گفتوگۆکانیان لەگەڵ ئێران.

چیرۆکی سەرەکی: ئیسرائیل سوورە لەسەر هێرشکردنەسەر پێگە ئەتۆمییەکانی ئێران و ئەمریکاش ڕێگری دەکات و دەیەوێت لە ڕێگەی دیپلۆماسییەوە لەگەڵ ئێران ڕێککەوتن ئەنجام بدات.

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، هەفتەی ڕابردوو بە نەتانیاهۆم وت گونجاو نییە لەم کاتەدا ئیسرائیل هێرش بکاتە سەر پێگە ئەتۆمییەکانی ئێران، چونکە زۆر لە ڕێککەوتن نزیکن. پێم وایە ئەوان دەیانەوێت ڕێککەوتن بکەن و ئەگەر بتوانین ڕێککەوتن بکەین، ژیانی زۆر کەس دەپارێزرێت.

لەلایەکی دیکەوە: ئێران ڕایگەیاندووە، ئەگەر لەگەڵ ئەمریکا ڕێککەون رەنگە بیر لەوە بکەنەوە ڕێگە بە ئەمریکییەکان بدەن دامەزراوەکانیان بپشکنن وەک بەشێک لە پڕۆسەی چاودێریکردنی بەرنامە ئەتۆمییەکەی لەلایەن نەتەوەیەکگرتووەکانەوە.

باکگراوند: واشنتن و تاران لە ماوەی ڕابردوودا پێنج خولی دانوستانیان لەسەر پرسی بەرنامە ئەتۆمییەکەی تاران ئەنجام داوە و پەیوەندییەکانیان لە دوای ساڵی 2018ـەوە گەیشتووەتە بەرزترین ئاست.