پێشەوا هەورامانی: كێشەكان چارە دەبن، هەر حەق سەردەكەوێت

ئاڤا نیوز

وتەبێژی حكومەتی هەرێمی كوردستان ڕایدەگەیەنێت، مەسرور بارزانی نە خۆی و نە پێش خۆی و نە پێشتریش، نە سەرشۆڕی قبووڵ كردووە و نە لە ئاییندەش دەیكات، دووپاتیشی دەكاتەوە كێشەكان چارەسەر دەبن و هەر حەق سەردەكەوێت.

چیرۆکی سەرەکی: بڵاوبوونەوەی نووسراوێكی فەرمیی ئەمڕۆی وەزارەتی دارایی عێراق بە واژۆی تەیف سامی، وەزیری دارایی عێراق، بەوەی كە مووچەی مانگی پێنجی مووچەخۆرانی هەرێمی كوردستان نانێرێت، كاردانەوەی جۆراوجۆری بەدوای خۆیدا هێنا، ئەوەش لەكاتێكدا مووچەی سەرجەم مووچەخۆرانی عێراق دابەشكراوە و بڕیار وابوو بەر لە جەژن، مووچەی هەرێمی كوردستانیش ڕەوانە بكرێت.

پەیامی فەرمی: پێشەوا هەورامانی، وتەبێژی حكومەتی هەرێمی كوردستان لە ئەژماری فەرمیی خۆی لە فەیسبووک ڕایگەیاند، کێشەکانمان چارە دەبن، هەر حەق سەردەکەوێت.

کوردستان و گەلەکەی داهاتوویەکی پرشنگدار چاوەروانییەتی، ئەوانەشی سەنگەری بەرگری و مافی گەلی خۆیان بەردەدەن، نەفرەتی مێژوو چاوەرێیان دەکات.

شەست ساڵە برسیکردن و قڕکردن وەکو قێزەونترین ڕێگا بەکاردێت ئەنجامەکەشی یەک شت بووە، گەلی کوردستان سەربەرزتر و بەهێزتر بووە.