لێدوانی یەکێتی لەبارەی بڕیاری پارتی بۆ بایکۆتکردنی هەڵبژاردن

ئاڤا نیوز

 یەکێتیی نیشتمانیی کوردستان، بە فەرمی هەڵوێستی خۆی لەبارەی هەڵوێستی پارتی دیموكراتی كوردستان، سەبارەت بە بایكۆتكردنی هەڵبژاردنی خولی شەشەمی پەرلەمانی كوردستان ڕاگەیاند.

ڕاگەیێنراوی فەرمی: سەعدی ئەحمەد پیرە، گوتەبێژی یەكێتی نیشتیمانی كوردستان، ڕایگەیاند: یەكێتی پابەندە بە وادەی هەڵبژاردنی پەرلەمانی كوردستان لە 10 – 6-2024 وەكو لەلایەن  سەرۆكی هەرێم بڕیاری لەسەر دراوە .

زانیاریی زیاتر: یەكێتی رای وایە هەڵبژاردنی  پەرلەمانی كوردستان باشترین ڕێگەیە بۆ قووڵكردنەوەی زیاتری دیموكراسی و تێپەڕاندنی ئەم بارودۆخە ئاڵۆزەی ناوخۆ و ناوچەكە بە گشتی، چالاككردنەوەی پەرلەمان گرنگە بۆ ئەنجامدانی ئەركە یاسایی و سەرەكییەكانی و چارەسەركردنی كێشەو گرفتە فرە رەهەندەكانی كۆمەڵانی خەڵكی كوردستان".
 
باکگراوند: ئەمڕۆ دووشەممە وەک هەڵوێستێک بەرامبەر بڕیارەکانی دادگای فیدراڵی، پارتی دیموکراتی کوردستان بەفەرمی هەڵبژاردنی خولی شەشەمی پەرلەمانی کوردستانی بایکۆت کرد و هەڕەشەی کشانەوەشی لە پرۆسەی سیاسیی عێراق کرد.