توێژینەوەیەک: چەوری ورگ پەیوەندی بە تووشبوون بە نەخۆشییەکانی پێست هەیە

ئاڤا نیوز

چەوری لەش نەک تەنیا پەیوەندیدارە بە پرسی کێش و جەستەوە، بەڵکو توێژینەوەیەکی زانستی ئاشکرای دەکات، چەوری ورگ دەتوانێت مەترسی تووشبوون بە نەخۆشییەکانی پێست زیاد بکات.

زانیاریی بەدەستهاتوو: توێژینەوەیەک لە کۆلێژی کینگز لەندەن کە  لەلایەن پزیشکانی پێست ئەنجامدراوە دەریدەخات، چەوری ورگ و دەوروبەری پەیوەندییەکی نزیکی بە گەشەکردنی نەخۆشیی سەدەفەوە هەیە، کە حاڵەتێکی درێژخایەنی پێستە و دەبێتە هۆی هەوکردنی ئازاربەخش و پەڵەی سوور.

ئەوەی لەباریەوە دەگوترێت: ڕاڤی ڕامێسوار، توێژەری سەرەکی توێژینەوەکە ئاشكرای دەکات، ئەو شوێنەی چەوری لە جەستەدا هەڵدەگرێت، گرنگی خۆی هەیە لە دیاریکردنی نەخۆشییەکان، یەکێک لەو شوێنانە بوونی چەوری لە ناوچەی ورگ کاریگەری نەرێنی دەکاتە سەر پێست و دەبێتە هۆی تووشبوون بە نەخۆشی سەدەف.

زانیاریی زیاتر: توێژینەوەکە تیشك دەخاتە سەر گرتنەبەری ستراتیژیی پێویست بۆ پاراستنی کێشی لەش و پەیڕەوکردنی  سیستەمێکی خۆراکی تەندروست بۆ ئەوەی جەستەی مرۆڤ پارێزراو بێت لەم جۆرە نەخۆشیانە.