زێلێنسکی: سوپاسی هەوڵەکانی تورکیا بۆ ئاشتی دەکەین

ئاڤا نیوز

تورکیا و ئۆکراینا لەسەر ئاستی باڵا سەبارەت بە ئاگربەستی نێوان ڕووسیا و ئۆکراینا کۆبوونەوە، و سەرۆکی ئۆکرایناش دەڵێت، تورکیا پاڵپشتی هەوڵەکانمان بۆ گەیشتن بە ئاشتی دەکەن.

چیرۆکی سەرەکی: شاندی ئۆکراینا بە سەرۆکایەتی ڤۆلۆدیمێر زێلێنسکی، سەرۆکی ئۆکراینا لەگەڵ شاندی تورکیا بە سەرۆکایەتی هاکان فیدان، وەزیری دەرەوەی ئەو وڵاتە کۆبوونەوە و باسییان لە دانوستانەکانی نێوان ڕووسیا و ئۆکراینا کرد.

لێدوانی فەرمی: ڤۆلۆدیمێر زێلێنسکی، سەرۆکی ئۆکراینا لە تۆڕی کۆمەڵایەتی ئێکس سوپاسی تورکیا و رەجەب تەیب ئەردۆغان، سەرۆکی تورکیای کرد بۆ پاڵپشتیکردنیان لە هەوڵەکانی ئۆکراینا بۆ گەیشتن بە ئاشتییەکی دادپەروەر و بەردەوام.

زانیاری زیاتر: زێلێنسکی وتیشی، ڕووسیا بەردەوامە لە پشتگوێخستنی هەموو بانگەوازە جیهانییەکان بۆ ڕاگرتنی جەنگ و بەردەوامە لە کوشتار. بۆ ئەوەی کۆبوونەوەکانمان ماناداربن پێویستە کارنامەی دانوستانەکانمان ڕوون بێت و ڕووسیا هەوڵدەدات کۆبوونەوەی داهاتوومان هیچ ئەنجامێکی نەبێت.