لە ئیدارەی ڕاپەڕین دوو تۆن خۆراكی بەسەرچوو دەستی بەسەردا دەگیرێت

ئاڤا نیوز

لە سنووری ئیدارەی راپەڕین، لیژنەکانی قائیمقامییەت دەست بەسەر دوو تۆن "خۆراک، شیرینی، میوە و ڕۆن"ی خراپبوودا دەگرن و لەناویان دەبەن.

لێدوانی فەرمی: کارزان سلێمان، سەرۆکی لیژنەکانی قائیمقامییەتی قەزای ڕانیە بۆ ئاڤا نیوز گوتی: لە دەرچوونەکانی لیژنەکان توانیمان دەست بەسەر دوو تۆن "خۆراک، شیرینی، میوە و ڕۆن"ی خراپبوودا بگرین و لەناویان بەرین.

ئەوەی پێویستە بیزانیت: ڕۆژانە لیژنەکانی چاودێری و قائیمقامییەت بەشێوەیەکی مەیدانی سەرجەم فرۆشیاران و هاونیشتیمانیان هۆشیار دەکەنەوە لەوەی خۆراکی خراپ و بەسەرچوو نەهێننە بازاڕەکان؛ چونکە تەنیا دوێنێ لە ناحیەی حاجیاواز 360 کیلۆگرام هەناری خراپبوو، 30 کیلۆگرام میوەجات و 15 کلیۆگرام خورمای تێکچوو دەستیان بەسەردا گیراوە.

لە لایەکی دیکەوە: دوێنێ لە بازاڕی ناحیەی حاجیاوا لیژنەکە توانییان دەستبەسەر 360 کیلۆگرام هەناری خراپبوودا بگرن.

بۆچی گرنگە: ئەگەر ئەو خواردنانە دەستیان بەسەردا نەگیرایە لە بازاڕ ساغ دەکرایەوە و زیانی بۆ تەندروستی هاونیشتیمانیان دەبوو.ِ