ژمارەیەک چارەخواز بەهۆی گەستنیان لەلایەن سەگەوە سەردانی نەخۆشخانەی هەریریان کردووە

ئاڤا نیوز 

 

نەخۆشخانەی هەریر ئاماری مانگانەی چارەخوازانی بڵاوکردووەتەوە و تیایدا هاتووە 15 حاڵەتی پێوەدان دووپشک و گەستن لەلایەن پشیلە، گوێدرێژ و سەگ تۆمارکراون و چارەسەری پێویستیان بۆ کراوە.

 

چیرۆکی سەرەکی: نەخۆشخانەی هەریر ئاماری مانگی پێنجی ئەمساڵ بڵاوکردووەتەوە و تێیدا هاتووە، حەوت هەزار و 519 چارەخواز بە هۆکاری جیاواز سەردانی نەخۆشخانەیان کردووە، کە 15 حاڵەتی پێوەدان و گەستن بوون.

 

لێدوانی فەرمی: د.لەزگین سەباح، بەرێوەری کارگێڕی نەخۆشخانەی هەریر، بە ئاڤای گوت، "لەو 15 حاڵەتە 10ـیان پێوەدانی دووپشک بوون، یەک حاڵەتی گەستنی گوێدرێژیش هەبووە، چوار حالەتی دیکەی گەستنی مرۆڤ لەلایەن سەگی پشیلە تۆمارکراون."

 

گوتیشی، "سەرجەم چارەخوازەکان چارەسەری پێویستیان بۆ کراوە و گەڕاونەتەوە ماڵەوە."