پەروین بوڵدان وەک جێگری سەرۆکی پەرلەمانی تورکیا دیاری دەکرێت

ئاڤا نیوز

دەم پارتی، پەروین بوڵدانی وەک جێگری سەرۆکی پەرلەمانی تورکیا لە جێگەی سری سورەیا ئۆندەر دیاریکرد و ناوەکەشی ئاراستەی سەرۆکایەتیی پەرلەمان کرد.

وێنە گەورەکە: دوای ئەوەی سری سوورەیا ئۆندەر، جێگری پێشووی سەرۆکی پەرلەمانی تورکیا کۆچی دوایی کرد، پۆستی جێگری سەرۆکی پەرلەمان کە لە پشکی دەم پارتی بوو، بە بەتاڵی مابووەوە، ئەمڕۆ دەم پارتی بڕیاری دا لە شوێنی سری سورەیا ئۆندەر، پەروین بۆڵدان پۆستەکەی پێ بدرێت.

ڕاگەیێنراوی فەرمی: نووسینگەی ڕاگەیاندنی دەم پارتی ڕایگەیاند: فراکسیۆنی پارتەکەمان دوای کۆبوونەوەیەکی داخراو بڕیاریانداوە پەروین بوڵدان، ئەندامی شاندی ئیمراڵی و پەرلەمانتاری پارتەکە لەسەر بازنەی وان، بۆ پۆستی جێگری سەرۆکی پەرلەمانی تورکیا هەڵبژێرن.

زانیاریی زیاتر: دەم پارتی، لە چەند ڕۆژی داهاتوودا ناوی پەروین بوڵدان پێشکەشی سەرۆکایەتیی پەرلەمانی تورکیا دەکات.

ئەوەی پێویستە بیزانیت: پەروین بوڵدان جێگەی سری سورەیا ئۆندەر، ئەندامی شاندی ئیمراڵی دەگرێتەوە، کە سێی ئایاری ئەمساڵ و پاش 18 ڕۆژ مانەوە لە نەخۆشخانە، کۆچی دوایی کرد.