بایدن ئیسرائیل لە "ئۆپەراسیۆنێکی هەڵە" ئاگادار دەکاتەوە

ئاڤا نیوز

سەرۆکی ئەمریکا هێرشی ئیسرائیل بۆ سەر ناوچەی ڕەفەح لە غەززە بە هەڵە دادەنێت.

چیرۆکی سەرەکی: جۆو بایدن، سەرۆکی ئەمریکا نیگەرانە لە پلانی ‌هێرشە زەمینییەکەی ئیسرائیل بۆ سەر ڕەفەح و  بنیامین نەتانیاهۆ، سەرۆکوەزیرانی ئیسرائیلی ئاگادار کردووەتەوە لەوەی "ئۆپەراسیۆنێکی هەڵە" دەبێت.

بۆچی گرنگە: بایدنی پشتیوانی ئیسرائیل ئەمجارە لەگەڵ نەتەنیاهۆ بۆ هێرشکردنە سەر ڕەفەح هاوڕانییە.

لەلایەکی دیکەوە: جەیک سولیڤان، ڕاوێژکاری ئاسایشی نیشتمانی ڕایگەیاند، نەتانیاهۆ ڕەزامەندی دەربڕیوە لەسەر داواکاری بایدن بۆ ناردنی شاندێک لە بەرپرسانی باڵای ئیسرائیل بۆ واشنتن بۆ تاوتوێکردنی پلانەکان و ئەگەری دانانی "پلانێکی جێگرەوە".

ئەوەی پێویستە بیزانیت: سبەی چوارشەممە ئەنتۆنی بلینکن، وەزیری دەرەوەی ئەمریکا  بۆ گفتوگۆکردن لەبارەی پرسی ئاگربەست لە غەززە سەردانی ڕۆژهەڵاتی ناوەڕاست دەکات.