بەرپرسێکی تورکیا: ئامانجمانە ئاڵوگۆڕی بارزگانی لەگەڵ عێراق بگەیێنینە 30 ملیار دۆلار

ئاڤا نیوز

گورسێل باران، سەرۆکی ژووری بازرگانیی ئەنقەرە لە دیدارێکیدا لەگەڵ موسەننا ڕەمەزان عەلوان. بەرپرسی کاروباری بازرگانی باڵیۆزخانەی عێراق لە ئەنقەرە، ڕایگەیاند کە تورکیا و عێراق پەیوەندی میژوویی، ڕۆشنبیری و جوگرافی بەیەکەوەیان دەبەستێتەوە.

لێدوانی فەرمی: گورسێل باران، سەرۆکی ژووری بازرگانیی ئەنقەرە، ڕایگەیاندووە کە تورکیا و عێراق پەیوەندی مێژوویی، ڕۆشنبیری و جوگرافی بەیەکەوەیان دەبەستێتەوە و جەختی لەوەش کردووەتەوە کە پەیوەندییەکانی نێوان ھەردوو وڵات لەسەر بنەمای دۆستایەتی پەرەدەستێنن.

زانیاریی زیاتر: لە ئێستادا قەبارەی ئاڵوگۆڕی بازرگانیی نێوان تورکیا و عێراق، گەیشتووەتە 15 ملیار دۆلار، باران گوتوویەتی: "ئامانجمانە ئاڵوگۆڕی بارزگانییمان لەگەڵ عێراق، بگەیەنینە 30 ملیار دۆلار".

باران ئاماژەی بەوەداوە کە پاراستنی ئاسایش و سەقامگیریی عێراق، گرنگییەکی زۆری ھەیە بۆ سەقامگیری و گەشەسەندنی ناوچەکە.

بۆچوونی لایەنی بەرامبەر: عەلوان، خواستی وڵاتەکەی نیشانداوە سەبارەت بە پەرەپێدان بە پەیوەندییەکانییان لە بواری بازرگانیی و وەبەرھێنان لەگەڵ تورکیا و داواشی لە ژووری بازرگانی ئەنقەرە کردووە بۆ کاری وەبەرھێنان لەبوارەکانی بازرگانیی، کشتوکاڵ، دەرمانسازی و چنین ڕوو لە عێراق بکات.