ڕووسیا: ئۆکراینا ئاگربەستی کاتیی ڕەتکردەوە

ئاڤا نیوز

ڕووسیا ڕایگەیاند ئۆکراینا پێشنیازی ئەو وڵاتەی بۆ ئاگربەستی کاتی ڕەتکردووەتەوە.

چیرۆکی سەرەکی: ڕووسیا پێشنیازی کردبوو ئاگربەستێكی کاتی بۆ ماوەی دوو تا سێ ڕۆژ لە نێوان هەردوو وڵاتدا ببەسترێت تا هەردوو لا بتوانن تەرمی سەربازە کوژراوەکانیان لە مەیدانەکانی جەنگ هەڵبگرنەوە.

لێدوانی فەرمی: سێرگی لاڤرۆڤ، وەزیری دەرەوەی ڕووسیا، ڕایگەیاند، "ڕەتکردنەوەی ئاگربەستەکە هەڵەیەکی گەورەی ڕژێمی کیێڤە".

لەلایەکی دیکەوە: ڤۆلۆدیمیر زێلێنسکی، سەرۆکی ئۆکراینا، ڕایگەیاند ئەو ئامادەیە بۆ کۆبوونەوەی لووتکە لەگەڵ ڤلادیمیر پووتین، سەرۆکی ڕووسیا، دۆناڵد ترەمپ، سەرۆکی ئەمریکا و ڕەجەب تەییب ئەردوغان، سەرۆکی تورکیا.

زێلێنسکی ڕەخنەشی لە کۆبوونەوەکانی ئیستەنبووڵ گرت و ڕایگەیاند، کۆبوونەوەکان بەو شاندانەی ئیستاوە بێ ئەنجام دەبن.