پڕۆژەی ڕووناکی 30%ـی داهاتی مانگانە بۆ خەڵک دەگەڕێنێتەوە

ئاڤا نیوز

جێبەجێکردنی پڕۆژەی ڕووناکی، سەرەڕای سوودە دارایی و ژینگەییەکەی، بووەتە هۆی کەمکردنەوەی ژاوەژاوی مۆلیدەکان کە دەنگەکانیان 50% تا 100% لە ئاستی ئاسایی بەرزتربوو، ئەوەش ببووە هۆکاری بێزاری خەڵک.

وێنە گەورەکە: پڕۆژەی ڕووناکی، کە ئامانج لێی دابینکردنی کارەبای 24 کاتژمێرییە، پڕۆژەیەکی نیشتمانییە و لە کابینەی نۆی حکومەتی هەرێمی کوردستان دەست بە جێبەجێکردنی کراوە، چەندین سوودی دارایی و ژینگەیی و تەندروستیی بۆ خەڵکی هەرێمی کوردستان هەیە.

زانیاری بەدەستهاتوو: 80%ـی هاونیشتمانیان ئەو بڕە پارەیەی ئێستا بە پڕۆژەی ڕووناکی دەدەن، کەمترە لەو بڕە پارەیەی پێشتر بە مۆلیدەی ئەهلی و کارەبای نیشتمانییان دەدا، چونکە بەشێکی خێزانەکان پێشتر ناچاربوون 30%ـی داهاتیان بۆ پێدانی پارەی کارەبای مۆلیدە و نیشتمانی خەرج بکەن، بەڵام ئێستا تەنیا پارەی ئەو بڕە کارەبایە دەدەن کە بەکاریانهێناوە.

کاریگەرییە ئەرێنییەکانی: پڕۆژەی ڕووناکی، بەهۆی کوژاندنەوەی مۆلیدەی گەڕەکەکانەوە، دەردانی گازی ژەهراوی دوانە ئۆکسیدی کاربۆن و دوانە ئۆکسیدی گۆگرد ڕادەگیرێت، ئەمەش کاریگەریی لەسەر پاراستن و پاکڕاگرتنی ژینگە دروست دەکات.

لەلایەکی دیکەوە: یەکێک لە سوودەکانی ئەم پڕۆژەیە ڕێگریکردنە لە تێکەڵبوونی ئاوی پیس و نەوتی بەکارهێنراو لەگەڵ خاکدا.

کاریگەریی و لێکەوتەکانی: بەفیڕۆدانی ئاو کەمتر دەکات، پێشتر بۆ ساردکردنەوەی مۆلیدەکان بڕی یەک ملیۆن مەتر چوارگۆشە ئاو بەکاردەهێنرا.