لە ڕۆژانی جەژندا هاتووچۆی بارهەڵگر لەڕێگەی هاملتۆن قەدەغەیە

ئاڤا نیوز

بەڕێوەبەرایەتیی هاتووچۆی سۆران، شۆفێران ئاگادار دەكاتەوە لەوەی لەهەر چوار ڕۆژی جەژندا هاتووچۆی بارهەڵگرەكان لەڕێگەی هاملتۆن 'سپیلك - حاجی ئۆمەران' لە كاتژمێر 12ـی نیوەڕۆ بۆ 12ـی شەو، قەدەغە دەكرێت.

وێنە گەورەكە: لەكاتی بۆنە و جەژنەكاندا ژمارەیەكی زۆری هاووڵاتیان بۆ گەشت و سەیران ڕوو لە شوێنە گەشتیارییەكان دەكەن، بەڕێوەبەرایەتیی هاتووچۆی پارێزگا و ئیدارە سەربەخۆكان لەپێناو بەرژەوەندی گشتی و دروستنەبوونی جەنجاڵی و ئاستەنگی هاتووچۆ و سەلامەتی گەشتیاران، قەدەغەی هاتووچۆی سنووردار بۆ ئۆتۆمبێلە بارهەڵگرەكان و ماتۆڕسكیلەكان دەدرێت.

لێدوانی فەرمی: زرار حوسێن، بەڕێوەبەری هاتووچۆی سۆران لە ڕێگەی ئاڤا، داوا لە شۆفێران و هاووڵاتیان دەكات لە ڕۆژانی جەژندا پابەندی یاساكانی هاتووچۆ بن و هاوكاری تیمەكانی پۆلیسی هاتووچۆ بن.

هاتووچۆی سۆران ئاماژە بەوەشدەكات، بۆ دووركەوتنەوە لە دروستبوونی قەرەباڵغی لە شەقامەكان، لەهەر چوار ڕۆژی جەژندا لە كاتژمێر 12ـی نیوەڕۆ تاوەكو 12ـی شەو، هاتووچۆی بارهەڵگرەكان لەڕێگەی هاملتۆن (سپیلك - حاجی ئۆمەران) بەهەموو شێوەیەك قەدەغەیە، بەپێچەوانەوە سەرپێچیكار، ڕێكاری یاسایی بەرامبەر دەگیرێتەبەر.

لەلایەكی دیكەوە: هەر ئەمڕۆ، بەڕێوەبەرایەتیی هاتووچۆی هەولێر ڕایگەیاند، لە هەر چوار ڕۆژی جەژنی قورباندا، هاتووچۆی ئۆتۆمبێلی بارهەڵگر و ماتۆرسکیڵ لەو ڕێگایانەی كە دەكەونە سەر شوێنە گەشتیاری و سەیرانگەكان، قەدەغەیە.