لە یەكەم ڕۆژی جەژندا 5 هاووڵاتی بە ڕووداوی هاتووچۆ برینداردەبن

ئاڤا نیوز

لە یەكەم ڕۆژی جەژنی قوربانی پیرۆزدا، بەهۆی سێ ڕووداوی هاتووچۆ كە لە گەرمیان و ئاكرێ ڕوویانداوە، پێنج كەس بریندار بوون.

چیرۆکی سەرەکی: ئەمڕۆ هەینی 2025-06-06، دوو ڕووداوی هاتووچۆی جیاواز لە سنووری ئیدارەی گەرمیان ڕوویانداوە و بەهۆیەوە چوار كەس بریندار بوون، هاوكات لە سەنتەری قەزای ئاكرێ، ڕووداوێكی دیكەی هاتووچۆ ڕوویدا و بەهۆیەوە هاووڵاتیەك بریندار بوو.

ڕاگەیێنراوی فەرمی: بەڕێوەبەرایەتیی هاتووچۆی گەرمیان لە ڕاگەیێنراوێكدا ئاماژەی بەوە كردووە، بەیانیی ئەمڕۆ هەینی لە یەكەم رۆژی جەژنی قورباندا، لە دوو ڕووداوی هاتوچۆدا چوار كەس برینداربوون.

زانیاریی زیاتر: ڕووداوی یەكەم لە پێچخواردنەوەی گردەگۆزینە لەنێوان دوو ئۆتۆمبێل لەجۆری هیۆندا تۆكسۆن و نیسان ناڤارا، ڕوویداوە و بەهۆیەوە سێ سەرنشین بریندار بوونە، ڕووداوی دووەمیش لە گەڕەكی شەهیدان لە سەنتەری قەزای كەلار ڕوویداوە كە ئۆتۆمبێلێكی جۆری كیا سیراتۆ خۆی بە منداڵێكی تەمەن شەش ساڵاندا كێشاوە و بەهۆیەوە بە سەختی بریندار بووە.

لەلایەكی دیكەوە: هەر لە یەكەم ڕۆژی جەژندا، لە سەنتەری قەزای ئاكرێ، هاووڵاتیەك بەهۆی پێكدادانی دوو ئۆتۆمبێل بریندار بووە.