زیاتر لە 142 هەزار کەس داواکارییان بۆ کارمەندی سەر سندووق پێشکەش کردووە

ئاڤا نیوز

لە ماوەی چوار ڕۆژدا زیاتر لە 142 هەزار کەس داواکارییان بۆ کارمەندی سەر سندووق پێشکەش کردووە، بەگوێرەی پارێزگاکانیش زۆرترین داواکاری لە بەغدا و کەمترینیش لە پارێزگای موسەننا پێشکەشکراون.

وێنە گەورەکە: 3ـی ئەم مانگە کۆمیسیۆن دەرگای پێشکەشکردنی داواکاری بۆ بوون بە کارمەندی سەر سندووقی دەنگدان کردەوە و تا 9ـی مانگی داهاتووش بەردەوام دەبێت، کارمەندانی سەر سندووق لە بەڕێوەبردنی هەڵبژاردنی پەرلەمانی عێراق لە مانگی 11ـی ئەمساڵدا ڕۆڵێکی سەرەکی دەگێڕن.

ڕاگەیێنراوی فەرمی: کۆمیسیۆنی باڵای سەربەخۆی هەڵبژاردنەکانی عێراق لە ڕاگەیێنراوێکدا باسی لەوەکردووە، لە چوار ڕۆژدا 142 هەزار و 534 کەس داواکارییان بۆ کارمەندی سەر سندووق پێشکەش کردووە، لەو ژمارەیەش 109 هەزار و 204 کەسیان لە ڕەگەزی نێرن و 33 هەزار و 330 کەسی دیکەشیان لە ڕەگەزی مێن.

زانیاریی زیاتر: لەناو ئەوانەی داواکارییان پێشکەش کردووە، 90 هەزار و 760 کەسیان فەرمانبەری حکومەتن و 51 هەزار و 774 کەسی دیکەشیان قوتابیی و دەرچووانی زانکۆ و پەیمانگەکانن.