بەڕێوەبەری پەروەردەی شنگال دەست لە کار دەکێشێتەوە

ئاڤا نیوز

 

بەهۆی ناڕازیبوون لە بڕیارێکی حکومەتی عێراق، بەڕێوەبەری بەشی زمانی عەرەبی پەروەردەی شنگال دەستی لە کار کێشایەوە.

 

چیرۆکی سەرەکی: حکومەتی عێراق سەدان فەرمانبەری لە پەروەردەکانی سنووری نەینەوا و دهۆک بۆ قوتابخانەکانی زمانی عەرەبی دامەزراندووە، بەڵام لە شنگال تەنیا یەک فەرمانبەری دامەزراندووە، ئەمەش ناڕازیەتی لێکەوتەوە.

 

لێدوانی فەرمی: حەسەن ساڵح، بەڕێوەبەری پەروەردەی شنگال بە ئاڤا نیوزی گوت: "لە هەموو پارێزگای نەینەوا تەنیا ناحەقی بەرامبەر بە قەزای شنگال کراوە و بەهۆی ئەوەشەوە دەستم لە کار کێشایەوە".

 

ئەوەی پێویستە بیزانیت: لە سنووری شنگال 600 وانەبێژ مافی دامەزراندنیان هەبووە، بەڵام حکومەتی عێراق پشتگوێ خستوون؛ بڕیاربوو 77 فەرمانبەری کەرتی پەروەردە لە شنگال دابمەزرێن بەڵام تەنیا یەک کەس دامەزراوە.

 

باکگراوند: لە قەزای شنگال 106 قوتابخانەی خوێندنی زمانی عەرەبی هەن، ماوەی چوار ساڵە حکومەتی عێراق تەنها 11 کەسی لەو قوتابخانانە دامەزراندووە.