سەرۆكوەزیران بارزانی جەخت لە دابینكردنی شایستە داراییەكانی هەرێمی كوردستان دەكاتەوە

ئاڤا نیوز

 سەرۆكوەزیران بارزانی، پێشوازی لە سەرۆكی پەرلەمانی عێراق بە وەكالەت كرد، دواین پێشهاتەكان تاوتوێ كران و جەخت لە دابینكردنی شایستە داراییەكانی هەرێمی كوردستان كرایەوە.

ڕاگەیێنراوی فەرمی: ئەمڕۆ سێشەممە 3/19 سەرۆكوەزیران بارزانی، پێشوازی لە موحسین مەندەلاوی سەرۆكی پەرلەمانی عێراق بە وەكالەت كرد.

ئەوەی پێویستە بیزانیت: لە كۆبوونەوەكەدا كە شاخەوان عەبدوڵڵا جێگری سەرۆكی پەرلەمانی عێراق ئامادەی بوو، دوایین گۆڕانكار ی و پێشهات و بارودۆخی گشتیی عێراق تاوتوێ كرا.

بابەتی ستراتیژی: جەخت لە ڕێزگرتن لە سیستەمی فیدراڵی و قەوارەی دەستووریی هەرێمی كوردستان و دابینكردنی مافە دەستووری و شایستە داراییەكانی هەرێمی كوردستان كرایەوە.

وێنە گەورەكە: دوای تێپەڕبوونی زیاتر لە مانگێک هێشتا حکومەتی عێراق تەواوی پارەی مووچەی بۆ مانگی دووی مووچەخۆرانی هەرێمی کوردستان نەناردووە، لەکاتێکدا حکومەتی هەرێمی کوردستان داوای 949 ملیاری کردووە، تاوەکو ئیستا تەنیا 562 ملیار دینار نێردراوە.