لە سێ ڕۆژدا زیاتر لە 30 هەزار گەشتیار سەردانی ئاکرێیان کردووە

ئاڤا نیوز

 

لە ماوەی سێ ڕۆژدا زیاتر لە 30 هەزار گەشتیار سەردانی ئاکرێیان کردووە، لە ڕۆژانی داهاتووشدا هەزاران گەشتیاری دیکە دێنە ناوچەکە.

 

وینە گەورەکە: هەرێمی کوردستان خاوەنی دەیان شوێنی گەشتیاری سەرنجڕاکێشە، لە بۆنە و جەژن و کاتەکانی دیکەشدا، دەیان هەزار گەشتیار لە ناوخۆی کوردستان، ناوەڕاست و خوارووی عێراق و وڵاتانی دیکە سەردانیان دەکەن، کاتەکانیان لەنێو سرووشتە دڵگیر و ناوازەکەی کوردستاندا بەڕی دەکەن.

 

لێدوانی فەرمی: ئەندازیار ئەمین سەلیم، بەڕێوەبەری گەشتوگوزاری ئاکرێ بە ئاڤای راگەیاند: پێشبینیمان دەکرد لە ڕۆژانی جەژن نزیکەی 30 هەزار گەشتیار سەردانی ئاکری بکەن، بەڵام تەنیا لە سێ ڕۆژدا زیاتر لەو ژمارەیە هاتوونەتە ئاکرێ.

 

بە گوتەی بەڕێوەبەری گەشتوگوزاری ئاکرێ، هێشتا هەزاران گەشتاری دیکە لەڕێگەدان و دەیانەوێت سەردانی ناوچەکە بکەن، هەروەها لیژنە تایبەتەکانی گەشتوگوزار چاودێریی تەواوەتی بارودۆخەکەیان کردووە.

ئەوەی پێویستە بیزانیت: چاوەڕوان دەکرێت لە ڕۆژانی داهاتوودا ژمارەی گەشتیاران و ئەوانەی سەردانی ئاکرێ دەکەن بگاتە نزیکەی 50 هەزار کەس.