لەوەی ڕۆژانی جەژندا چەند حاڵەتێکی پێوەدانی مار و دووپشک لە کۆیە تۆمار کراون

ئاڤا نیوز 

 

تەنیا لەماوەی چوار ڕۆژی جەژنی قورباندا، پێنج حاڵەتی پێوەدانی مار و دووپشک لە نەخۆشخانەکانی کۆیە و تەقتەق تۆمارکراون و دوای چارەسەر ڕەوانەی ماڵەوە کراونەتەوە. 

 

چیرۆکی سەرەکی : لە ڕۆژانی جەژنی قورباندا 680 کەس بەهۆکاری وەرگرتنی چارەسەری جیاواز ڕوویان لە نەخۆشخانەی کۆیە و تەقتەق کردووە و پێنج لەو چارەخوازانە حاڵەتی پێوەدانیان هەبووە. 

 

لێدوانی فەرمی: هاوکار عەلی، بەڕێوەبەری ڕاگەیاندنی تەندروستی کۆیە بە ئاڤای گوت: ئەو کەسانەی بەهۆی پێوەدانی مار و دووپشک و پەلاماردانی سەگ سەردانی نەخۆحشخانەیان کردبوو، چارەسەری پێویستییان بۆ کراو و ڕەوانەی ماڵەوە کراون.  

زانیاریی زیاتر: 363 چارەخواز سەردانی نەخۆشخانەی کۆیەیان کردووە لەو ژمارەیە دوو کەس تووشی ڕووداوی هاتووچۆ بوون، چوار کەس لەلایەن سەگەوە پلامار دراون، کەسێک دووپشک پێوەیداوە، 10 کەس لە بەرزاییەوە بەربوونەتەوە، حەوت کەسیش بەهۆی شەڕەوە برینداربوون، سێ کەسێک بە چەقۆ برینداربوون، هەروەها 325 سەردانی نەخۆشخانەی تەقتەقیان کردووە، 23 برینداربوون و حەوت کەسی دیکەش بەربوونەتەوە، چوار پێوەدانی مار و دووپشکیش هەبووە.