سەرۆک بارزانی و سەرۆكی پەرلەمانی عێراق بەوەكالەت كۆبوونەوە

ئاڤا نیوز

موحسین مەندەلاوی، سەرۆکی پەرلەمانی عێراق بە وەکالەت سەردانی سەرۆک بارزانی كرد، پرسی هەڵبژاردن و مافە دەستوورییەکانی هەرێمی کوردستان و ناردنی مووچەی فەرمانبەران تاوتوێکران.

ڕاگەیێنراوی فەرمی: دوایین پێشهاتەكانی گۆڕەپانی سیاسی تاوتوێ كران،  جەخت لە ئەنجامدانی هەڵبژاردنێكی دادپەروەرانە و دەستووری كرایەوە كە تێیدا مافی سەرجەم پێكهاتەكان لە هەرێمی كوردستان زامن بكرێت، هەر لە دیدارەكەدا باس لە مافە دەستوورییەكانی سەرجەم پێكهاتەكان كرا. بارەگای بارزانی وا دەڵێت.

 

لە لایەكی دیكەوە: سەرۆک بارزانی و مەندەلاوی تاوتوێی مافە دەستوورییەکان و بڕیاری بایکۆتی هەڵبژاردنی هەرێمی کوردستان لەلایەن پارتی دیموکراتی کوردستان و شایستە داراییەکانی هەرێمی کوردستانيان کرد. نووسینگەکەی مەندەلاوی ئەمەی ڕاگەیاندووە.

بابەتە ستراتیژییەکان: لە کۆبوونەوەکەدا کە شاخەوان عەبدوڵا، جێگری سەرۆکی پەرلەمانیش ئامادەبوو، دوایین پێشهاتە سیاسییەکان و چەند پرسێکی گرنگ لەنێوانیاندا مافە دەستوورییەکان و بڕیاری پارتی دیموکراتی کوردستان پەیوەست بە بایکۆتی هەڵبژاردنی پەرلەمانی کوردستان و دابینکردنی مووچەی فەرمانبەرانی هەرێمی کوردستان تاوتوێ کران.

باکگراوند: ڕۆژی 18ـی ئادار، پارتی دیموکراتی کوردستان هەڵبژاردنی پەرلەمانی کوردستانی بایکۆت کرد و هەڕەشەی کشانەوەش لە پرۆسەی سیاسیی عێراق دەکات.