لە مووسڵ زێدەڕۆیی دەکرێتە سەر زەوی موڵکی دەوڵەت

ئاڤا نیوز

چەند کەسێکی دانیشتووی پارێزگای نەینەوا، چەند پارچە زەوییەکی موڵکی دەوڵەت لە بەرژەوەندی خۆیان بەکار دەهێنن و دەیکەن بە شوێنی وەستانی ئۆتۆمبێل، دەستەی دەستپاکیش دەستگیرکردنی ژمارەیەکیان ڕادەگەیێنێت.

 

وێنە گەورەکە: له‌ ماوه‌ی 20 ساڵی ڕابردوودا لە پارێزگاکانی عێراق زۆرترین زێده‌ڕۆیی به‌سه‌ر موڵک و زه‌وییه‌كانی ده‌وڵه‌ت كراوە و بووه‌ته‌ دیارده‌یه‌كی ئاشكرا.

 

ڕاگەیێنراوی فەرمی: بەگوێرەی ڕاگەیێنراوی دەستەی دەستپاکیی عێراق، 12 تۆمەتبار بەهۆی زێدەڕۆییکردن لەسەر موڵکی دەوڵەت لە پارێزگای نەینەوا دەستگیرکراون. کە دەستیان بەسەر 8 پارچە زەوی دەوڵەت لە نزیک بەڕێوەبەرایەتیی هاتووچۆ لە ناوەندی پارێزگاکەدا گرتووەوە، زەوییەکانیان کردووە بە گۆڕەپانی وەستانی ئۆتۆمبێل و بە شێوەیەکی نایاسایی پارەیان لە هاووڵاتییان وەرگرتووە.

 

ئەوەی پێویستە بیزانیت: کۆنووسی دەستگیرکردنی تۆمەتبارەکان لەگەڵ تۆمەتبارە دەستگیرکراوەکان خراوەتە بەردەم دادوەری دادگای لێکۆڵینەوەی تایبەت بە دۆسیەکانی دەستپاکی و بەپێی حوکمەکانی بڕیاری 154ـی ساڵی 2001، بڕیاری ڕاگرتنیان بۆ دەرکراوە.