مانگی ڕابردوو هاوسەرگیری پێنج بەرامبەری جیابوونەوە بووە

ئاڤا نیوز

ئەنجوومەنی باڵای دادوەری عێراق ڕایگەیاند، لە مانگی شوباتدا لە سەرتاسەری وڵات، ئاماری هاوسەرگیری پێنج بەرامبەری حاڵەتەکانی جیابوونەوە بووە.

ئاماری فەرمی: ئەنجوومەنی باڵای دادوەری عێراق داتای هاوسەرگیری و جیابوونەوەی مانگی ڕابردووی بڵاوکردووەتەوە کە ژمارەی هاوسەرگیری پێنج ئەوەندەی حاڵەتی جیابوونەوە لە سەرجەم پارێزگاکاندا، ژمارەی هاوسەرگیری لە مانگی ڕابردوو گەیشتووەتە 25 هەزار و 793، هاوکات لەو ژمارەیە چوار هەزار و 560 حاڵەتی جیابوونەوە هەبووە.

زانیاريی زیاتر: حاڵەتی جیابوونەوە لە بەغدا گەیشتووەتە دوو هەزار و 161 و ژمارەکەی دیکەش بەسەر پارێزگاکانی عێراقدا دابەش بووە.