کەنەدا و تورکیا داوایەک ئاڕاستەی هاووڵاتییانیان لە رۆژهەڵاتی ناوەڕاست و عێراق دەکەن

ئاڤا نیوز

بەهۆی گرژییەکانی نێوان ئیسرائیل و ئێرانەوە، کەنەدا داوا لە هاووڵاتییانی وڵاتەکەی لە ڕۆژهەڵاتی ناوەڕاست لە نێویشیاندا عێراق دەکات کە ناوچەکە بەجێبهێڵن، تورکیاش هۆشداری بە هاووڵاتییانی وڵاتەکەی دەدات لەعێراق ڕێوشوێنی خۆپارێزی پێویست بگرنەبەر.

وێنە گەورەکە: بەرەبەیانی ڕۆژی هەینی 13-6-2025، ئیسرائیل لە ڕێگەی 200 فڕۆکەی جەنگییەوە هێرشێکی فراوانی کردە سەر ئێران و چەندین دامەزراوەی گرنگی ئەتۆمی و ناوەندی سەربازی بە ئامانج گرت، ئەم یەکەمجار بوو ئیسرائیل بەو وردییە ئەو ناوەندانە بە ئامانج بگرێت.  

 

ڕاگەیێنراوی فەرمی: ڕۆژنامەی Globe and Mail ـی کەنەدی بڵاویکردەوە: وەزارەتی دەرەوەی کەنەدا داوای لە هاووڵاتییانی وڵاتەکەی دەکات، پشکنینی پێویست بۆ بەڵگەنامەی گەشتەکانیان بکەن و ناوچەی ڕۆژهەڵاتی ناوەڕاست بەجێبهێڵن .

 

لەلایەکی دیکەوە: باڵیۆزخانەی تورکیا لە بەغدا هاووڵاتییانی وڵاتەکەی کە نیشتەجێی عێراقن یان بەنیازن گەشتی ئەو وڵاتە بکەن، بەهۆی پەرەسەندنی گرژییەکانی نێوان ئیسرائیل و ئێران، ڕێوشوێنی خۆپارێزی پێویست بگرنەبەر.