بەردەوامی هێرشەکان بۆ سەر ئێران زیان لە ئابووری عێراق دەدات

ئاڤا نیوز


ماوەی سێ ڕۆژە ئیسرائیل و ئێران یەکتری بە ئامانج دەگرن و جەنگی نێوانیان بەردەوامە، بەردەوامی ئەو بارودۆخەش کاریگەریی ڕاستەوخۆی لەسەر دۆخی ئابووری عێراق دەبێت.

 

وێنە گەورەکە: قەبارەی بازرگانی نێوان عێراق و ئێران گەیشتووەتە 20 ملیار دۆلار، هاوکات نزیکەی 70%ـی ئەو بەرهەمانەی هاوردەی لەلایەن کۆمپانیا بازرگانییەکانی هەرێمی کوردستان دەکرێن، لە بازاڕی پارێزگاکانی ناوەڕاست و خوارووی عێراق ساغ دەکرێنەوە.

 

لێدوانی فەرمی: نەوزاد غەفور، سەرۆکی ژووری بازرگانی و پیشەسازی سلێمانی بە ئاڤای گوت، "بەردەوامی ئەو دۆخە کاریگەری لەسەر ئابووری عێراق دەبێت، چونکە ئەو کاڵا و کەل و پەلانەی لە ئێران هاوردە دەکرێن ئەگەر دۆخێک دروستبێت کە بۆ پێویستی ناوخۆ بەکاریبهێنن و هاوردەکەم بکەنەوە زیان لە ئابووری عێراق دەدات."

 

باکگراوند: بەرەبەیانی ڕۆژی هەینی 13-6-2025، سوپای ئیسرائیل بە بەشداریی 200 فڕۆکەی جەنگی هێرشی چڕی کردە سەر دەیان بنکەی سەربازی و دامەزراوەی ئەتۆمی لە سەرتاسەری ئێران بەهۆیەوە ژمارەیەک بەرپرسی باڵای سەربازی ئێران و زانای ئەتۆمی کوژران.