دۆناڵد ترەمپ: دەبێت گیانی خامنەیی پارێزراو بێت

ئاڤا نیوز

ئێوارەی ئەمڕۆ هەریەک لە سەرۆکی ئەمریکا و سەرۆککۆماری تورکیا پەیوەندییەکی تەلەفۆنییان کرد و تاوتوێی دۆخی ناوچەکە و جەنگی نێوان ئیسرائیل و ئێرانیان کرد. ترەمپ لە پەیوەندییە تەلەفۆنییەکەدا بە ئەردۆغانی وتووە کە داوای لە ئیسرائیل کردووە، دەبێت گیانی خامنەیی پارێزراو بێت.

وێنە گەورەکە: لە پاش نیوەڕۆی ئەمڕۆ دۆناڵد ترەمپ، سەرۆکی ئەمریکا دەستی کردووە بە هەوڵەکانی بۆ ڕاگرتنی جەنگی نێوان ئێران و ئیسرائیل، یەکێک لە پەیوەندییە تەلەفۆنییەکانی لەگەڵ ڕەجەب تەیب ئەردۆغان، سەرۆککۆماری تورکیا بووە و هەردوولا باسیان لەڕێگەچارەی پرسی ئەتۆمی ئێران کردووە لەڕێگەی دیپلۆماسی.

بڵاوکراوەی فەرمی: بەشی پەیوەندییەکانی سەرۆکایەتی تورکیا ئێوارەی ئەمڕۆ ڕوونکردنەوەیەکی بڵاوکردەوە و ڕایگەیاند، ئەمڕۆ بۆ جاری دووەم ئەردۆغان و ترەمپ بۆ جاری دووەم لە ماوەی دوو ڕۆژی ڕابردوودا لەڕێگەی پەیوەندی تەلەفۆنییەوە تاوتوێی دۆخی ڕۆژهەڵاتی ناوەڕاستیان کردووە، ئەردۆغان داوای دەستبەجێ کۆتاییهێنانی جەنگی نێوان ئێران و ئیسرائیلی کردووە و ڕێککەوتتنامەی دیپلۆماسی بۆ پرسی بەرنامەی ئەتۆمی ئێران بە تەنها ڕێگەچارە زانیووە و ئامادەیی تورکیای بۆ نێوەندگیری دەربڕیووە.

لە لایەکی دیکەوە: میدیاکانی تورکیا بڵاویان کردەوە کە دۆناڵد ترەمپ پشتیوانی خۆی بۆ ڕێگەچارەی دیپلۆماسی دەربڕیووە و ڕایگەیاندووە، داوای پاراستنی ژیانی عەلی خامنەیی، ڕێبەری باڵای کۆماری ئیسلامی ئێرانی لە ئیسرائیل کردووە و گوتوویەتی، دەبێت ژیانی خامنەیی پارێزراو بێت.