کارکردن بە پوولی دارایی هەڵدەوەشێتەوە

ئاڤا نیوز

 

وەزارەتی دارایی حکومەتی هەرێمی کوردستان، بڕیاریدا کارکردن بە هەموو جۆرەکانى پوولى دارایی لە هەرێمى کوردستان ڕابگیرێت و هەڵوەشایەوە. 

 

بۆچی گرنگە؟ پێشتر داهاتی پوولی دارایی کە حەوت جۆر بوون، هەمووی بۆ خەزێنەی گشتیی حکومەت نەدەگەڕایەوە، بەم بڕیارە لەمەودوا داهاتی پسوولە بۆ خەزێنەی گشتی دەگەڕێتەوە.

 

لێدوانی فەرمی: "لەپێناو بەرژەوەندیى گشتى و پاڵپشت بە یاساى ژمارە نۆى ساڵى 2021، بریاردراوە کارکردن بە پوولی دارایی ڕابگیرێت". مەولوود سابیر، بەڕێوەبەری گشتیی بانکە بازرگانییەکانی هەرێمی کوردستان.

 

زانیاریی تایبەتی ئاڤا نیوز: لە شوێنی پوولی دارایی لەمەودوا لە دامودەزگاکانی حکومەتی هەرێمی کوردستان کار بە پسوولەی ژمارە 37-A دەکرێت، ئەمەش هاوشێوەی ئەو پسوولەیەیە کە لەلایەن حکومەتی عێراقەوە بە کار دەهێنرێت.