ترەمپ: بە زووترین کات تاران جێبهێڵن

ئاڤا نیوز

 

سەرۆکی ئەمریکا لەسەر هەڕەشە و تووندوتیژەکانی نێوان ئیسرائیل و ئێران پەیامێکی خێرای بۆ هاووڵاتییانی ئێران هەیە و دەڵێت: بە زووترین کات تاران جێبهێڵن.

چیرۆکی سەرەکی: شەڕی نێوان ئێران و ئیسرائیل پێی ناوەتە ڕۆژی پێنجەمییەوە، هەردوولا هەڕەشەی تووند لەیەکتری دەکەن و هێرشەکانیان بۆ سەر یەکتر بەردەوامە. 

 

ڕاگەیێنراوی فەرمی: دۆناڵد ترەمپ، سەرۆکی ئەمریکا لە ترووس سۆشیاڵ پەیامێکی خێرای بڵاوکردەوە و دەڵێت: دەبوو ئێران ئەو ڕێککەوتنەی واژۆکردبووایە کە پێم گوتبوون، شەرمەزارییە ژیانی هاووڵاتیان بکرێتە قوربانی، زۆر بەسادەیی گوتم، بڵێن ئێران ناتوانێت چەکی ئەتۆمی هەبێت. 

 

لەلایەکی دیکەوە: لە ماوەی چوار ڕۆژی ڕابردووی شەڕدا  تاوەکو درەنگانی شەوی دووشەممە، بەپێی داتاکانی وەزارەتی تەندروستیی ئێران،  زیاتر لە  224 کەس گیانیان لەدەست داوە و زیاتر لە هەزار و 277 کەسیش بریندار بوون. تەندروستیی ئیسرائیلیش دەڵێت، لە ئەنجامی هێرشی ئێران بۆ سەر ئیسرائیل، تاوەکو بەیانیی ئەمڕۆ 24 کەس کوژراون و زیاتر لە 390 کەسیش بریندار بوون.