دوو کەشتیی لە کەنداوی عومان بەریەک دەکەون

ئاڤا نیوز

 

ئاگری جەنگی نێوان ئیسرائیل و ئێران دەگاتە کەنداوی عەرەبی و بەهۆیەوە دوو کەشتیی بازرگانی بەریەک دەکەون و دەبێتە هۆی گڕگرتنیان. 

 

زانیاریی بەدەستهاتوو: بەگوێرەی زانیارییە سەرەتاییەکان کە بڵاوکراونەتەوە پێکدادانی ئەمڕۆی دوو کەشتی لە کەنداوی عومان پوەستە بە دەستوەردانی سیگناڵەکانی جی پی ئێس لە کەنداوی عومان و کەنداوی عەرەبی.

زانیاریی زیاتر: یەکێک لەو کەشتییانەی کە گڕی گرتووە کەشتییەکی نەوت هەڵگربووە و ئەمەش کارەساتێکی گەورەی ژینگەی لەو ناوچە ئاوییە بەدوای خۆیدا هێناوە.

 

لەلایەکی دیکەوە: بەرپرسانی کەنداوی عەرەبی لێکۆلێنەوە لە ڕووداوەکە دەکەن بەڵام تاوەکو ئێستا هیچ ڕوونکردنەوەیەکیان لەبارەوە نەداوە.

 

ئەوەی لەبارەیەوە دەگوترێت: هەندێک لە سەرچاوەکانی هەواڵ باس لەوە دەکەن کە هۆکاری تێکدانی سیگناڵەکانی جی پی ئێس لە کەنداوی عومان پەیوەستە بە جەنگی نێوان ئیسرائیل و ئێران کە هێرشی تەکنیکی و ئەلیکترۆنیش لەناوچەکە دەکەنە سەر یەکتری.