بەهۆی بۆردوومانکردنی نەخۆشخانە سەربازییەکە، نەتەنیاهۆ هەڕەشە دەکات

 ئاڤا نیوز 

 

دوای ئەوەی ئێران هێرشی کردە سەر نەخۆشخانەی سۆرۆکای سەربازی، نەتانیاهۆ هەڕەشە لە ئێران دەکات و دەڵێت باجی هێرشەکە دەدەن.

 

وێنە گەورەکە: بەیانیی ئەمڕۆ، ئێران بە 25 مووشەک هێرشێکی دیکەی ئاسمانیی کردە سەر ئیسرائیل و "نەخۆشخانەیەکی بریندارانی سەربازانی شەڕی غەززەی کردە ئامانج."

 

لێدوانی فەرمی: بنیامین نەتەنیاهۆ، سەرۆکوەزیرانی ئیسرائیل رایگەیاند ''ئێران، ئەم بەیانییە مووشەکی ئاستەی نەخۆشخانەی سۆرۆکا کرد لە بیئرشیبا، لە ناوچەیەکی مەدەنیی سەنتەری ئیسرائیل. ئێران باجێکی زۆر  قورس دەدات.'' 

 

زانیاریی بەدەستهاتوو: میدیای ئیسرائیل دەڵێ، سوپا بڵاوکردنەوەی زانیاریی لەبارەی زیانەکانی هێرشەکانی ئێران سنووردارکردووە. میدیاکانی ئێرانیش دەڵێن، ئەو دامەزراوەیەی لە هێرشەکەی ئێراندا کراوەتە ئامانج، هەزاران سەربازی ئیسرائیلیی تێدابووە.

 
باکگراوند: ئەمڕۆ، جەنگی نێوان ئیسرائیل و ئێران پێ دەنێتە ڕۆژی حەوتەمییەوە، هەردوو وڵات دەیان پێگەی ستراتیژیی سەربازی و بنکە ئەتۆمییەکانی یەکتریان بۆردوومان کردووە و، هیچ ئاماژەیەک بۆ دامرکاندنەوەی ئاگری ئەم شەڕە نییە، بەپێچەوانەوە تادێت سەختتر دەبێت و مەترسی هەیە ئەمریکاش لەپێناو یارمەتیدانی ئیسرائیل، ببێتە جەمسەرێکی دیکەی جەنگەکە.

 

هەڕەشەکردن بەردەوامە: سەرۆک ئەرکانی سوپای ئێران، رایگەیاند بەڵێن دەدەن ئیسرائیل لە دەستپێکردنی ئەو هێرشانە پەشیمان بکەنەوە، "ئیسرائیل باجێکی قورس دەدات. ئێمە، بەردەوام دەبین لە هێرشکردن."