وەزیری دەرەوەی ئێران گەیشتە تورکیا

ئاڤا نیوز

لە میانەی بەردەوامبوونی شەڕی نێوان ئێران و ئیسرائیل، مەبەستی بەشدارییکردن لە کۆبوونەوەی وەزیرانی دەرەوەی ڕێکخراوی هاریکاریی ئیسلامی، وەزیری دەرەوەی ئێران ئەمڕۆ شەممە گەیشتە تورکیا.

 

زانیاریی بەدەستهاتوو: دوای ئەوەی وەزارەتی دەرەوەی تورکیا ئاشكرای کرد، عەباس عێراقچی، وەزیری دەرەوەی ئێران، بەشداریی لە کۆبوونەوەی وەزیرانی دەرەوەی ڕێکخراوی هاریکاریی ئیسلامی دەکات، ئەمڕۆ شەممە گەیشتە ئیستەنبووڵ.

 

ئەوەی پێویستە بیزانیت: بڕیارە کۆبوونەوەکە، ڕۆژانی 21-22ـی ئەم مانگە لە ئیستەنبووڵ بەڕێوە بچێت، لە چوارچێوەی سەردانەکەیدا، وەزیری دەرەوەی ئێران لەگەڵ هاکان فیدان، هاوتا تورکییەکەی کۆدەبێتەوە.

 

زانیاریی زیاتر: سەردانەکەی عێراقچی لە کاتێکدایە، ڕۆژی هەینی 20-6-2025، بۆ گفتوگۆکردن لەسەر بەرنامە ئەتۆمییەکەی ئێران، وەزیرانی دەرەوەی فەرەنسا، ئەڵمانیا و بەریتانیا و بەرپرسی باڵای دیپلۆماسیی یەکێتیی ئەوروپا لە جنێڤی پایتەختی سویسرا لەگەڵ ئێران کۆبوونەوە.